Putakumeak
Putakumea I
Putakume bat naiz, seko putakumea, putakume totala. Justiziaren izenean kale gorrira jaurtitzen dut jendea; justiziaren izenean gartzelaratzen ditut errugabeak eta askatzen errudunak; justiziaren izenean bizi naiz herriaren pentsura, neskamez eta otseinez inguratuta.
Dios, zenbat gustatzen zaidan!
Putakumea II
Putakume-lehiaketa egin zuten, putakumeenen artean putakumeena zein zen erabakitzeko. Saria eman gabe geratu zen, epaimahaikideak aurreko edizioetako putakume irabazleak izan baitziren.
Putakumea III
Komisarioak alde egin zuenean hilotza bainuontziaren aldamenean zetzan. Etxera iritsi, emazteari ezpainetan musu eman eta hark prestatu ziona afaldu zuen, gogo onez. Morroiren batek gorpua errekara botako zuen ziurtasunak lo indarberritzailea eskaini zion.
Putakumea IV
Banketxeko zuzendari nagusiaren bulegoan sartu eta pistolaz destatu zuen besaulkian eserita zegoen gizona. Atearen beste aldean zeudenek hitz bakarra entzun zuten:
—Putakumea!
Putakumea V
Goizero esnatzen ninduen amak, lanetik itzultzen zenean, gosaria eman eta eskolara bidaltzeko. Eskolara bidali egiten ninduen, nekatuegi izaten baitzen eskolaraino laguntzeko.
5 Comments
piotr
Hoik al dia guztik?
kontalari
Guztiak, guztiak… lagintxo bat, ez besterik.
Hitzontzi
V putakumeak salbatu du idatzia. I, II, III eta IV putakumien amek izan zezaketen kulparik, agian txikitan ez zituzten beraien kumeak behar beste maite. V aldiz beste lauak ikusi ditu bere etxetik ezkutuan ateratzen. Ez dira putakumeak, puteroak bai seguraski.
kontalari
Seguruen ere I, II, III eta IV putakumeen amek ez dute inolako errurik. Akaso aitek ere ez. Batzuk putakumeak dira, ama puta izan gabe ere, bere horretan…
niba
Baina, zein da IV putakumea?